ШУТИС нь жил бүрийн Монгол улсын шинжлэх ухааны ажилтны өдрийн хүрээнд өнгөрсөн хичээлийн жилд багш, судлаачдынхаа шинжлэх ухаан, технологийн шилдэг бүтээлийг шалгаруулж олон нийтэд танилцуулдаг “2IP” арга хэмжээг зохион байгуулдаг уламжлалтай. Энэ жилийн “2IP-2024” арга хэмжээг 2024 оны 11 дүгээр сарын 28-ны өдөр зохион байгуулав.

“2IP-2024” арга хэмжээ нь багш, судлаачдын олон улсад хэвлүүлсэн эрдэм шинжилгээний өгүүлэл, зохион бүтээсэн шилдэг оюуны өмч, технологи гэсэн төрлүүдээр шилдэг бүтээлүүдээ шалгарууллаа.

 Шилдэг бүтээл шалгаруулах “2IP-2024” арга хэмжээнд НҮБ-ийн Монгол дахь суурин зохицуулагч Тапан Мишра, Эдийн засаг хөгжлийн яамны Шинжлэх ухаан, технологийн нэгдсэн бодлогын газрын дарга доктор Д.Баттогтох, Боловсролын сайдын зөвлөх, ШУТИС-ийн Удирдах зөвлөлийн дарга Д.Гантулга, Шинжлэх ухааны паркийн захиргааны захирал доктор Б.Амарсанаа, Шинжлэх ухааны академийн Инновацын төвийн захирал Д.Батхуяг, Оюуны өмчийн газрын патентын ахлах шинжээч, Дэлхийн оюуны өмчийн байгууллагын ТИСК хөтөлбөрийн зохицуулагч Б.Одгэрэл гэх зэрэг салбарын зочид төлөөлөгчид хүрэлцэн ирж багш, судлаачдад баяр хүргэлээ.

Арга хэмжээнд ШУТИС-ийн Ректор Т.Намнан, Эрдэм шинжилгээ, технологи эрхэлсэн проректор Д.Цолмонбаатар болон ШУТИС-ийн бүрэлдэхүүн сургууль, хүрээлэнгийн удирдлагууд, шилдэг бүтээл туурвисан багш, судлаачид оролцлоо.

“2IP-2024” арга хэмжээ нь шилдэг бүтээлийн зохиогч, зохион бүтээгчдэд “Research Excellence” медалион гардуулах, ШУТИС-иас хөгжүүлж буй олон улсын сэтгүүлүүдэд грант гардуулах, эрдмийн зэрэг, цол олгох, шинжлэх ухаан технологийн салбартаа үр бүтээлтэй ажиллаж буй багш, судлаачдад засгийн газрын шагнал олгох, 2024 онд хийж хэрэгжүүлсэн үйл ажиллагаагаа танилцуулах бүтээлийн үзэсгэлэнг бүрэлдэхүүн сургууль, хүрээлэнгийн инновацын үзэсгэлэнг зэрэг үйл ажиллагаануудын хүрээнд зохион байгуулагдлаа.

Шилдэг бүтээлээр шалгарч “Research Excellence” медалион хүртсэн багш, судлаачид:

• Хамгийн олон бүтээл хэвлүүлсэн нэгдүгээр зохиогч (First author)-оор БАС-Геотехникийн судалгааны төвийн захирал шинжлэх ухааны доктор, профессор С.Нямдорж
• Хамгийн олон бүтээл хэвлүүлсэн холбоо барих зохиогч (Corresponding author)-оор МехТС - Хөтөлбөр хариуцсан дэд профессор доктор П.Цэрэнчимэд
• Хамгийн олон бүтээл хэвлүүлсэн хамтран зохиогч (Co- author)-оор ГУУС - Геологи гидрогеологийн салбар профессор доктор Б.Мөнхцэнгэл
• Хамгийн их эшлэгдсэн бүтээлийн нэгдүгээр зохиогч (First author)-оор МехТС- Дэд профессор Л.Тэлмэнбаяр
• Хамгийн их эшлэгдсэн бүтээлийн холбоо барих зохиогч (Corresponding author)-оор МХТС- Компьютерын  ухааны салбарын профессор доктор И.Цэрэн-Онолт
• Хамгийн их эшлэгдсэн бүтээлийн хамтран зохиогч (Co- author)-оор МХТС- Эрдэмтэн нарийн бичгийн дарга, доктор Х.Загарзүсэм
• Шилдэг ахисан түвшний судлаач оюутнаар Мэдээлэл, холбооны технологийн сургуулийн докторант оюутан QI YONGJUN

• Шилдэг санаа (Idea) – Зохион бүтээгч нэгдүгээр байранд “Экспортын нүүрс чингэлэгт хөлдөн - наалдалтыг бууруулах төхөөрөмж” зохион бүтээсэн ҮТС-ийн Хөнгөн үйлдвэрлэлийн технологи инженерчлэлийн салбарын ахлах багш Д.Пүрэвмагнай
• Шилдэг санаа (Idea) – Зохион бүтээгч хоёрдугаар байранд “Гүний уурхайд GPS-гүй орчинд инерцийн мэдрүүрт тулгуурласан хүний байршил тодорхойлох систем” зохион бүтээсэн МХТС-ийн Электроникийн салбарын дэд профессор доктор Ц.Тэнгис ахлагчтай баг
• Шилдэг оюуны өмч нэгдүгээр байранд “Өнхрөх хэлбэлзэл судлах төхөөрөмж”-ийн патентаар ХШУС-ийн Физикийн тэнхимийн профессор доктор Г.Зоригт
• Шилдэг оюуны өмч хоёрдугаар байранд “Таван цулын бэлдмэл”-ийн патентаар ҮТС-ийн Хүнсний инженерчлэлийн салбарын ахлах багш доктор С.Сэржмядаг

 ШИЛДЭГ СУДЛААЧДЫН БҮТЭЭЛТЭЙ ТАНИЛЦАХ 

• Шилдэг оюуны өмч тусгай шагнал буюу Уул уурхайн хүрээлэнгийн шагналаар “Сэргээгдэх эрчим хүчний хэмжилтийн хамгаалалттай ухаалаг төхөөрөмж” патентаар МХТС-ийн Электроникийн салбарын эрхлэгч А.Одгэрэл
• Д.Энхтуяа академичийн нэрэмжит шилдэг залуу судлаачаар МеХТС-ийн профессор доктор Х.Батбаяр нар тус тус шалгарч “Research Excellence” медалионы эзэд боллоо.

2024 оны Судалгаа, инновацын шилдэг сургуулиар "Үйлдвэрлэлийн технологийн сургууль" шалгарлаа.

Мөн “2IP-2024” арга хэмжээнд өөрийн бүтээлээрээ оролцсон зохион бүтээгчид болон олон улсад өгүүлэл хэвлүүлсэн нийт багш, судлаачдад ШУТИС-ийн Ректорын батламж, мөнгөн урамшуулал олголоо.  Арга хэмжээний үеэр ШУТИС-иас хөгжүүлж буй олон улсын сэтгүүлүүд болох “Mongolian Geoscientist”, “Journal of Applied Sciences and Engineering A (JASE-A)”, “ICT FOCUS”, “Journal of Energy Transition – JET” зэрэг сэтгүүлийн редакцын багт сэтгүүл хөгжүүлэх грант гардууллаа. 

Арга хэмжээний үеэр Монгол улсын Шинжлэх ухааны ажилтны өдрийг тохиолдуулан шинжлэх ухаан, технологийн салбарт үр бүтээлтэй ажиллаж буй багш, судлаачдад “Шинжлэх ухааны тэргүүний ажилтан” хүндэт тэмдгээр шагнагдсаныг гардуулав.

Шинжлэх ухааны тэргүүний ажилтан хүндэт тэмдгээр:

• ШУТИС-ийн Барилга, Архитектурын сургуулийн Барилгын инженерийн салбарын дэд профессор доктор, дэд профессор Мижирийн Сугар
• ШУТИС-ийн Гадаад хэлний сургуулийн Англи хэлний салбарын эрхлэгч доктор, дэд профессор Чойжингийн Золзаяа
• ШУТИС-ийн Хэрэглээний шинжлэх ухааны сургуулийн Физикийн тэнхимийн профессор доктор, дэд профессор Гончигийн Мөнхсайхан
• ШУТИС-ийн Хэрэглээний шинжлэх ухааны сургуулийн Физикийн тэнхимийн дэд профессор, доктор дэд профессор Гомбосүрэнгийн Зоригт
• ШУТИС-ийн Үйлдвэрлэлийн Технологийн Сургуулийн Дизайны тэнхимийн эрхлэгч доктор, дэд профессор Ц.Батсайхан
• ШУТИС-ийн БАС-ийн Барилгын инженерийн салбарын ахлах багш доктор Цамбын Цоггэрэл
• ШУТИС-ийн Хэрэглээний шинжлэх ухааны сургуулийн Математикийн тэнхимийн профессор Т.Баяртөгс
• Эдийн засгийн хөгжлийн яамны жуух бичгээр ШУТИС-ийн Судалгаа, хөгжүүлэлтийн албаны мэргэжилтэн Жамъянжавын Урантөгс нар шагнагдлаа.

Мөн докторын зэргийн сургалтаа амжилттай дүүргэж, хамгаалсан Б.Дашдаваа, А.Туулсайхан, С.Галбадрах, Cui Ying, Cui Minje, Lian Xi нарын доктор оюутнуудад докторын зэргийн үнэмлэх гардуулав.

"2IP-2024" АРГА ХЭМЖЭЭНИЙ ЗУРАГ ҮЗЭХ