ШУТИС-ИЙН 2022-2023 ОНЫ ХИЧЭЭЛИЙН ЖИЛИЙН ХАВРЫН УЛИРАЛД ДОКТОРАНТУРТ ЭЛСЭГЧДИЙН АНХААРАЛД

                                                                           2023-01-16

ШУТИС-ийн докторантурт элсэгчдийн бүртгэл:

       2023 оны 01 дүгээр сарын 17-ноос 02 дугаар сарын 01 өдрийг дуустал ШУТИС-ийн 8 дугаар байрны 602 тоотод бүртгэнэ.

Элсэгч бүртгүүлэхээр ирэхдээ дараах бичиг баримтыг авчирна. Үүнд:

1. Элсэгчийн бүртгэлийн анкетыг (татах) бөглөж авчрах;
2. Е-mongolia цахим үндэстэн бүртгэлийн системээс эзэмшсэн боловсролын лавлагаа авсан байх.

Докторантурт элсэгчид тавигдах шаардлага:

• Докторын хөтөлбөрт магистрын зэрэгтэй бүртгүүлэгчийг элсүүлнэ.
• Бүртгүүлэгчийн өмнө төгссөн бакалавр, магистрын зэргийн дипломын бүртгэл Дээд боловсролын удирдлагын мэдээллийн систем болон E-mongolia системд бүртгэлтэй байна.

Элсэлтийн шалгалт:

• Докторантурт элсэхээр бүртгүүлэгчээс суралцах чиглэлийн дагуу мэргэжлийн ярилцлага болон гадаад хэлний мэдлэгээр шалгалт авна.
  • 2023 оны 02 дугаар сарын  02-ны өдөр - Гадаад хэлний шалгалт /цахимаар/
  • 2023 оны 02 дугаар сарын 03-ны өдөр - Мэргэжлийн ярилцлага

Бүртгүүлэгчийн мэргэжлийн ярилцлагыг бүрэлдэхүүн сургуулийн Эрдэмтэн нарийн бичгийн даргын удирдлага дор хөтөлбөр хариуцсан салбар, тэнхим зохион байгуулах бөгөөд мэргэжлийн ярилцлаганд орохдоо судалгааны ажлын агуулга, чиглэл, зорилгын талаар монгол хэл дээр эссе бичсэн байна.

• Элсэлтийн шалгалтанд тэнцсэн элсэгч өөрийн сонирхсон зөвхөн нэг хөтөлбөрт элсэх эрх авна.

Элсэгчийг шалгаруулах, мэдэгдэх, доктор оюутнаар бүртгэх:

• Бүртгүүлэгчдэд элсэлтийн шалгалтын дүнг элсэгчийн цахим хуудсаар мэдэгдэнэ.
• Элсэлтийн шалгалтад тэнцсэн элсэгч заасан хугацаанд бүрэлдэхүүн сургуулийн сургалтын албанд биеэр ирж бүртгүүлнэ.
• Бүрэлдэхүүн сургуулийн сургалтын албаны ажилтан бүртгэлийн мэдээлэл болон бичиг баримтын эх хувийг хянан магадалж, оюутны код  олгож, мэдээллийн систем ашиглах эрх олгоно..

Докторантурт элсэх хүсэлтэй гадаадын иргэдээс Монгол хэлний курс төгссөн батламж, гэрчилгээ зайлшгүй шаардана.

Докторантурт суралцах хөтөлбөрийн жагсаалтыг эндээс татаж үзнэ үү. (татаж үзэх)

Холбоо барих утасны дугаар:  322126,  99196570

Цахим хаяг: tsoyun@must.edu.mn

АХИСАН ТҮВШНИЙ ХӨТӨЛБӨРИЙН АЛБА