эрдэм шинжилгээний
мэдээллийн нэгдсэн систем
эрдэм шинжилгээний
мэдээллийн нэгдсэн систем
ЭРДЭМ ШИНЖИЛГЭЭНИЙ
Манай эрдэмтэд цуврал бүтээл
Хүн төрөлхтний энергийн хууль номыг уншигч түмэндээ өргөн барьж, түүний эрдэм судлалын хийгээд хүнсний бодлогын асуудлаарх бүтээлүүд болон уран бүтээлээс дээжлэн толилуулж байна
Монголчуудын хүнс хоолны уламжлал, шинэчлэл эрдэм шинжилгээ, судалгаа, туршилтын бүтээлүүд, хүнсний бодлогын асуудлаар шинэ санаа дэвшүүлсэн илтгэл, өгүүллүүд, түүний ажил үйлсийн тухай нийтлэлүүд, шинжлэх ухаан үйлдвэрлэлд нэвтрүүлсэн шинэ бүтээлийн батламж, ажил, амьдралын бодит агшныг илэрхийлсэн фото цомог зэргээс бүрдсэн болно.
Хүдрийн ил уурхайн болон нүүрсний уурхайн экскаваторуудын найдвартай ажиллагаа, ашиглалтын технологийн чанар, засвар техникийн үйлчилгээний системийн чанарын түвшин, эдэлгээний хугацаанд иж бүрэн судалгааг хорь шахам жил тасралтгүй хийсний дүнд гаргаж ирсэн арга зүй шинэ аргачлал, математик хамаарал, загвар, засварын шинэ мөчлөг, түүний бүтэц, эдэлгээний хугацааны оновчлол зэрэг уул уурхайн машины мөн чанар, найдвартай ажиллагаа, ашиглалт, засварын чиглэлээр хийж ирсэн судалгааны ажлын гол үр дүнгээс гадна үйлдвэрлэл, сургалтад түүнийгээ хэрхэн нэвтрүүлж ажиглаж байгаа тухай энэ ботиос танилцаж болно.
Ашигт малтмалын бүлэг ордын бизнесийн үнэлгээ, эрдсийн боловсруулалтын технологи, нутагшуулал, экологийн төслийн шийдлүүдэд хийгдсэн шинжилгээний зарим үр дүнг боловсруулах аж үйлдвэрийг бүсчилсэн хөгжлийн тулгуур зарчим зорилт, зорилтуудтай уялдуулан зах зээлд эрэлт, хэрэгцээ өсөж буй зэс алт, мөнгө, хайлуур жонш, цайр, уран, фосфорит, төмөр коксжих нүүрс молибден, гянт болд болон эрчим хүчний нүүрсний ордуудын ТЭЗҮ, төслийн тооцоог жишээ болгон салбарын цаашдын хөгжлийн тухай эрэгцүүлэлийг тусгасан.
Энэхүү бүтээлдээ Залуу эрдэмтэд, судлаачдад хандан байгалийн болон техникийн шинжлэх ухааны хичээлийн заах аргын шинэчлэл, зайн сургалтын онол, практикийн зарим асуудал, Холбоо мэдээллийн онол, хөдөлгөөнт холбоо, хөдөөгийн холбоо, мэдээллийн технологи, радио, телевиз, шуудан холбоо, холбоо мэдээллийн сүлжээ, холбооны үйлчилгээний хэрэгцээг урьдчилан тооцоолох аргууд, мэдээлэл, холбооны салбарын удирдлага зэрэг судалгааны ажил болон төслийн үр дүнгүүдийг түүвэрлэн багтаасан байна.
Энэхүү бүтээлд гадаадын эрдэмтдийн хийсэн хөлдүү, суумтгай, хөөлттэй зэрэг онцлог бүтэцтэй ул хөрсний шинж чанарын судалгааг нэгтгэн дүгнэж, тэдгээр хөрсний физик-механик шинж чанар нь механик ба физик (температур ба чийг) үйлчлэлийн нөлөөгөөр өөрчлөгдөх зүй тогтлыг монгол орны нөхцөлд тогтоосон судалгааны ажлуудын үр дүн, монгол оронд ул хөрсний нөхцөлд барилгын буурь, суурийг оновчтой төсөөлөх шинжлэх ухааны үндэслэлийг боловсруулж оруулсан бөгөөд "Тогтворгүй бүтэцтэй ул хөрс- буурь суурь-барилгын газар дээрх бүтээц" гэсэн нэгдмэл системийг бий болгож түүнтэй холбоотой үндэсний норм, стандартыг боловсронгуй болгох, шинээр бий болгоход чухал ач холбогдолтой ба мөн Монгол орны авто замын чийг, дулааны гормын судалгаа гэсэн нэг сэдэвт бүтээлийн үр дүнг оруулсан ба барилга хот байгуулалтын хөгжлийн асуудал, хөрсний механик, барилгын материал, бүтээцийн чиглэлээр гадаад, дотоодын эрдэм шинжилгээний хуралд тавьсан илтгэлүүдээс түүвэрлэн оруулсан байна.
Аж үйлдвэрийн олон салбарт бүтээгдэхүүний дулааны боловсруулалт, төрөл бүрийн технологийн процесст өргөн хэрэглэгдэх болсон өвөрмөц дулаан зөөх бие-псевдошингэрсэн буюу буцлах давхаргын онолын асуудал, түүнийг дулааны эрчим хүчний салбарын зуухны техникт нүүрсийг шатаах орчин болгон хэрэглэх, металл эд ангид дулааны боловсруулалт хийхэд завсрын дулаан зөөх бие болгон ашиглахад чиглэгдсэн судалгааны ажлын зарим гол үр дүнг гадаадын эрдэмтдийн судалгаатай уялдуулан гаргаж, буцлах давхаргыг Монголын Дулааны эрчим хүчний салбарт ашиглах чиглэлүүдийг тусгав.
Үйлдвэрлэлийн хаягдал болон байгалийн гаралтай хүчиллэг түүхий эд оролцуулан гарган авах, холимог барьцалдуулах материалын жор найрлага, шинж чанар, бэхжилтийн болон бүтэц бүрэлдэлтийн онолын талаар явуулсан судалгаа нь үнэтэй бөгөөд хойшид ч залуу судлаачдын ширээний ном байх ач холбогдолтой.
Энэхүү бүтээл нь эдийн засгийн судалгаа: арга ухааны томъёолол, эдийн засгийн мөчлөг (цикл), бага оврын нэгдмэл эдийн засаг, эдийн засаг- хэмжил зүйн загвар, удирдахуй ухаан: Монгол улс дахь индекатив удирдлагын динамизм зэргийг багтаасан болно.
Хөвсгөл нуурын ай савын гадаргын ба газар доорхи усны горим, баланс, Сэлэнгэ мөрний ай сав дахь геологи орчны бүрэлдсэн онцлог, түүний төрөлжүүлэлт, техноген ачааллын нягт, геоэкологийн судалгааны уламжлалт бус арга зүй, бүс нутгийн хэмжээнд үйлдэх геоэкологийн зураглал, инженер хайгуулын ажлын оновчлол зэрэг гидрогеологи, инженер геологи, геоэкологийн чиглэлээр хийж ирсэн түүний судалгааны ажлын гол үр дүнгээс гадна үйлдвэрлэл, сургалтанд түүнийгээ хэрхэн нэвтрүүлсэн тухай энэ ботиос танилцаж болно.
Шинжлэх Ухаан Технологийн Их Сургууль 8-р хороо, Бага тойруу, Сүхбаатар дүүрэг Улаанбаатар, Монгол улс 14191
research@must.edu.mn
+976-11 318153 +976-11324590 (1030)
© 2022 ШУТИС. Эрдэм шинжилгээний мэдээллийн нэгдсэн систем.
